Receitario de feixóns

Abstract

A presente publicación recolle algunhas receitas tradlclonais de Galicia para a preparación de feixón, co obxectivo de poñer de manifesto a sectores clave da sociedade a importancia dunha alimentación saudable, na cal os legumes poden xogar un papel relevante. Existe unha preocupación social polo papel dos alimentos de orixe vexetal na dieta humana, especialmente en sectores particularmente sensibles, como a infancia, a mocidade e a terceira idade. Os legumes acreditaron o seu valor para a alimentación humana como fonte de protelnas e de gllcidos (carbohidratos), pero hai tamén evidencias do seu valor nutricéutico como alimentos funcionais. Algunhas leguminosas, en particular o feixón, ocuparon tradicionalmente un papel relevante na economIa rural galega. O cultivo asociado feixón-millo, tradición herdada dos países americanos dos cales proceden estes cultivos, é un referente nos campos de cultivo de Galicia Nos últimos anos, adquiriu especial relevancia a "Faba de Lourenzá" (acollida a Indicación Xeográfica Protexida PXP) para o tipo varietal denominado intemaclonalmente "Faba Galaica', cultivado especialmente na Mariña Lucense. Pero outros tipos de feixón, como o "Riñón" (tlpico da Comarca de Bergantiños), "Ollo de Pita" (Rías Baixas), "Planchada" (Bergantiños) e "Faba do Marisco" (Mariña Lucense), teñen un indubidable valor na gastronomía tradicional galega. Na marxe do feixón, en menor grao o garavanzo, a miúdo denominado "garavanzo castelán" ten prasenza na gastronomía galega, ao igual que a lentella, ainda que a súa presenza na nosa agricultura sexa testemuñal.